Read our voting guide: in English | in Spanish | in Hmong
Koj xav pov npav hauv Wisconsin lod? Zoo! Ntawm no yog qhia tias yuav pib li cas:
Koj yuav pov npav tau yog tias koj:
- Yuav muaj 18 xyoo rau hnub Xaiv Tsa,
- Yog ib tug Pej Xeem As Mes Liv Kas (U.S. citizen), thiab
- Tau nyob hauv Wisconsin tsawg kawg 28 hnub ua ntej hnub koj npaj pov npav.
Koj yuav pov npav tsis tau hauv Wisconsin yog tias koj:
- Tau raug ib lub txim thiab tam sim no tseem nyob rau probation, parole los yog extended supervision. Koj yuav rov qab pov npav tau thaum koj nyob lub txim tag lawm (xws li probation los yog parole twb tiav tag lawm),
- Tus kws txiav txim (judge) tau hais tias koj xiam hlwb es tsis muaj rab peev xwm pov npav tau, los yog
- Tau siv txoj kev xaiv tsa los ua ib qho kev twv txiaj yuam pov.
NWS TXHAIS LI CAS, HAIS TIAS NYOB HAUV WISCONSIN?
Nyob hauv Wisconsin txhais tias koj tau nyob hauv hauv lub xeev tsawg kawg 28 hnub, thiab tam sim no koj npaj nyob ntawm no mus ntxiv. Qhov no tsis txhais tau tias koj yuav npaj nyob ntawm no mus tag ib sim neej, tsuas yog tias tam sim no koj tsis npaj tsiv mus rau lwm lub xeev.
COV ME NYUAM KAWM NTAWV NYOB COLLEGE:
Koj yeej xaiv tau seb koj yuav pov npav rau ntawm koj qhov chaw nyob ntawm koj lub tsev kawm ntawv los yog ntawm koj niam koj txiv qhov chaw nyob (tsuas yog pov tsis tau 2 qhov chaw).
Thiab yog tias koj twb kawm ntawv ntawm no lawm, vim li cas koj thiaj li tsis pov npav ntawm no? Cov nom tswv hauv lub xeev thiab hauv tej zej zog hauv Wisconsin yuav tsim tej cai uas yuav muaj kev cuam tshuam rau koj txoj kev kawm ntawv thiab hauv koj lub neej txhua hnub nyob hauv tsev kawm ntawv! Koj puas xav tias koj yuav tau tawm suab rau txhua yam ntawd?
YOG TIAS KOJ TAU RAUG IB LUB TXIM:
Koj yuav pov tsis tau npav yog tias koj raug ib lub txim thiab tseem nyob lub txim tsis tau tag, txawm tias qhov ntawd yog nyob hauv tsev laj cuj, parole, los yog probation. Yog tias koj tseem nyob lub txim tsis tau tag, koj pov tsis tau npav. Thaum koj nyob lub txim tag lawm, koj yuav pov tau npav (tshwj xeeb koj lub txim yog kev ntxeev siab los yog kev muab nyiaj xiab thiaj li pov tsis tau npav). Koj tsis tas ua dab tsi kom rov qab tau koj txoj cai pov npav dua – koj yeej tau koj txoj cai pov npav thaum koj them lub txim tag.
Yog tias koj raug ib lub txim me (misdemeanor), koj tseem muaj cai pov npav tau.
Muaj lus nug? Hu rau peb ntawm 608-336-3232. Peb nyob ntawm no pab!
Thawj kauj ruam yuav pov npav hauv Wisconsin yog zwm npe pov npav. Yog tias koj twb zwm npe lawm, mus saib koj qhov kev zwm npe ntawm no seb zoo li cas lawm – xyuas rau kom muaj kev nyab xeeb!
Yuav zwm npe nyob online li cas:
- Yog tias koj muaj ib daim ntawv tsav tsheb uas yog tau los ntawm Wisconsin DMV los yog daim ID card muaj koj qhov chaw nyob tam sim no, koj mus zwm npe online ntawm no.
- Yog koj xav tau kev pab, koj hu rau peb ntawm Voter Assistance Hotline ntawm 608-336-3232. Peb nyob ntawm no pab!
Yuav sau ntawv xa mus zwm npe li cas:
- Yog koj tsis muaj daim ntawv tsav tsheb uas yog tau los ntawm Wisconsin DMV, los yog daim ID, tsis txhob poob siab! Koj yeej sau ntau ntawv xa mus zwm npe. Nws tsis nyuaj, muaj kev nyab xeeb, thiab yooj yim.
- Yog tias koj muaj lub tshuab luam ntawv hauv tsev, muab daim ntawv no luam tawm los thiab ua kom tiav. Yog tias koj tsis muaj ib lub tshuab luam ntawv, hu rau koj tus municipal clerk thiab hais kom lawv xa ib daim tuaj rau koj—lawv yuav xa ib daim tuaj rau koj nrog rau ib lub hnab ntawv lo lub stamp es xa tau rov qab mus rau lawv!
- Thaum koj muab daim ntawv (application) ua tiav tag, xa daim ntawv mus rau ntawm koj tus municipal clerk – thiab nco ntsoov muab ib daim ntawv pov thawj rau koj qhov chaw nyob xa mus nrog.
- Daim ntawv pov thawj rau qhov chaw nyob yog ib daim ntawv nom tswv siv tau uas muaj lub npe nrog lub xeem thiab koj qhov chaw nyob tam sim no. Tej zaum koj twb muaj ntau hom ntaub ntawv uas yuav siv tau nyob hauv koj lub tsev lawv, xws li:
- Daim nqi gas, hluav taws xob, los yog cell phone;
- Daim ntawv qhia txog koj cov nyiaj nyob hauv tsev khaws nyiaj los yog daim credit card;
- Daim tw check;
- Daim check los yog ntaub ntawv nom tswv hauv zej zog, hauv lub xeev los yog hauv tsoom fwv xa tuaj (xws li daim stimulus check (nyiaj tsoom fwv xa tuaj pub thaum muaj COVID-19), Social Security check, Medicare los yog daim ntawv qhia txog BadgerCare, los yog daim ntawv zwm lub tsheb (vehicle registration);
- Thiab ntau yam ntxiv!
- Mus saib ntu sau tias “Zwm Npe Pov Npav: Ntaub Ntawv Pov Thawj Rau Qhov Chaw Nyob” hauv qab yog tias koj muaj lus nug!
Yuav zwm npe tim ntsej tim muag li cas nyob rau ntawm koj tus Clerk lub Chaw Ua Hauj Lwm, nyob rau lub sij hawm Pov Npav Ntxov, los yog hnub Xaiv Tsa:
Muaj 3 txoj kev zwm npe tim ntsej tim muag yooj yim, nyab xeeb, thiab ruaj ntseg!
- Koj yuav mus tau rau ntawm koj tus municipal clerk lub chaw ua hauj lwm es zwm npe tim ntsej tim muag tau nyob rau lub sij hawm lawv ua hauj lwm (tshwj xeeb nyob rau hauv 3 hnub ua ntej hnub xaiv tsa thiaj zwm tsis tau).
- Thaum pib pov npav ntxov qhib lawm, koj yeej zwm tau npe nyob rau ib lub chaw pov npav ntxov twg los tau nyob rau hauv koj lub zej zog thiab cia li pov npav nyob rau ntawd kiag!
- Thiab, nyob rau Hnub Xaiv Tsa, koj yeej zem tau npe tim ntsej tim muag nyob rau ntawm qhov chaw koj pov npav thiab pov npav tau nyob rau ntawd kiag! Nco ntsoov nqa koj daim ntawv pov thawj rau koj qhov chaw nyob thiab koj daim ID muaj duab thiaj pov npav tau — muaj kev qhia ntau nyob rau ntawm ntu “Ntaub Ntawv Qhia Txog ID Muaj Duab” hauv qab!
Yuav zwm npe pov npav, koj yuav tsum muaj pov thawj rau qhov chaw nyob hauv Wisconsin uas muaj lub npe nrog lub xeem thiab chaw nyob hauv Wisconsin tam sim no.
Tej zaum koj twb muaj ntau hom ntaub ntawv uas yuav siv tau nyob hauv koj lub tsev lawm, xws li:
- Daim Ntawv Tsav Tsheb Hauv Wisconsin los yog daim ID card hauv Lub Xeev uas muaj tam sim no thiab tsis tau tag hnub nyug;
- Ib daim ntaub ntawv twg uas nom tswv xa tuaj (xws li SSI, tuaj hauv DMV tuaj, daim ticket tsav tsheb es tau, se xa tuaj, daim stimulus check tsoom fwv xa tuaj, ib daim ntawv ib lub tsev khaws ntawv los yog ib lub tsev kawm ntawv xa tuaj thiab lwm yam);
- Daim nqi hluav taws xob/gas, nqi cell phone, daim ntawv teev txog nyiaj nyob tom txhab rau nyiaj, los yog daim nqi credit card;
- Daim tw check, daim ntawv teev txog nyiaj tau txais rau kev ua hauj lwm, los yog daim check rau qhov nyiaj poob hauj lwm;
- Daim ID rau me nyuam kawm ntawv thiab daim ntawv them nqi kawm ntawv uas tau txais nyob rau hauv 9 lub hlis dhau los los yog Daim Ntawv Me Nyuam Kawm Ntawv Xaub Tsev tau ntawm tsev kawm ntawv los, daim twg los tau, los yog;
- Koj daim ntawv xaub tsev (tsuas yog siv tau yog tias koj zwm npe tim ntsej tim muag xwb).
Koj yuav mus saib tau daim ntawv teev cov ntaub ntawv pov thawj rau qhov chaw nyob uas muaj ntau tshaj nyob ntawm no.
Yog tias koj zwm npe tim ntsej tim muaj, koj yuav muab tau koj daim ntawv pov thawj hauv lub xov tooj los yog hauv lub computer los qhia tau rau tus cleck.
Daim ntawv pov thawj rau qhov chaw nyob TSUAS YOG siv rau thaum zwm npe xwb, tsis yog thaum pov npav. Tab sis nco ntsoov, yog tias koj npaj zwm npe tim ntsej tim muag nyob rau ntawm qhov chaw pov npav thiab pov npav kiag, koj yuav tau nqa daim ntawv pov thawj rau qhov chaw nyob nrog koj.
Txhua tus neeg pov npav hauv Wisconsin yeej muab tau daim ntawv pov npav ua xa mus – tsis tas yuav thov txim li! Qhov koj yuav ua tau ces nug mus kom xa ib daim ntawv pov npav absentee ballot tuaj.
- Koj yuav nug nyob online mus kom xa koj daim ntawv pov npav absentee ballot tuaj ntawm no.
- Hla mus rau ntu tom ntej uas yog ib kauj ruam yooj yim thiab nug nyob online mus kom xa ib daim ntawv pov npav absentee ballot tuaj!
- Yog tias koj yeej tsis tau pov npav absentee yav tag los, koj yuav tau muab koj daim ID muaj duab yees ib daim duab thiab muab xa mus rau hauv MyVote. Nws yog is qhov yooj yim tshaj plaws uas siv koj lub xov tooj smartphone uas yuav xa tau daim duab sai.
- Koj yeej sau tau email los yog sau tau ntawv mus nug kom xa ib daim ntawv pov npav absentee ballot tuaj. Yog tias koj ua li ntawd, nco ntsoov muab koj daim duab uas yog koj daim ID muaj duab xa nrog tsab email mus los yog muab daim duab uas yog koj diam ID muaj duab luam ib daim thiab ntim rau lub hnab ntawv xa nrog mus!
- Hlab mus rau ntu 2 uas yog ib kauj ruam yooj yim uas yuav sau ntawv mus nug kom xa ib daim ntawv pov npav tuaj!
- Ib los lus tseem ceeb: Yog tias koj twb tau nug mus kom xa ib daim ntawv pov npav absentee ballot tuaj yav tag los (xws li ntau tshaj 2 laab tus neeg hauv Wisconsin), koj tsis tas xa koj daim ID rov qab mus dua tshwj xeeb ntshe koj tsiv tsev lawm xwb!
- Yog tias koj tsiv tsev lawm, tej zaum koj yuav tau kho koj qhov kev zwm npe mus rau qhov chaw nyob tshiab thiab muab cov ntaub ntawv pov thawj rau qhov chaw nyob thiab daim ID muaj duab xav nrog mus. Yog tias tus neeg ntawd yog koj, hu rau peb ntawm Voter Assistance Hotline ntawm 608-336-3232 es peb mam pab koj ua kom tiav hlo 100% kom yog.
Yuav nug kom xa ib daim ntawv pov npav absentee ballot tuaj nyob online li cas:
- Mus nug nyob online ntawm no.
- Sau koj lub npe, lub xeem, thiab hnub nyug.
- Ua tib zoo saib tias koj lub npe thiab lub xeem thiab chaw nyob yog lawm ces nias qhov “Request Absentee Ballot.”
- Yog tias zaum no yog thawj zaug koj nug mus kom xa ib daim ntawv pov npav absentee ballot tuaj, koj tsiv tsev lawm, los yog koj hloov koj lub npe lawm txij thaum koj xa koj daim ID muaj duab mus, koj yuav tau muab ib daim duab uas yog koj ID muaj duab xa nrog mus.
- Nias lub pob xim ntsuab uas sau “Upload Photo ID”, xaiv qhov “Take Photo,” muab koj daim ID muaj duab thaij ib daim duab, thiab nias qhov “Use Photo.” Lub xov tooj smartphone ua tau kom yooj yim!
- Nco Ntsoov: Ua tib zoo saib es thaij daim duab kom yog daim ID muaj duab uas siv tau thiab yog nom tswv muab uas koj yuav siv tau mus pov npav tim ntsej tim muag—daim duab thaij selfie yuav siv tsis tau ntawm no!
- Thaum koj daim duab nyob ntawd lawm, nias qhov “Continue”, thiab xaiv seb qhov kev xaiv tsa twg koj xav kom xa daim ntawv pov npav tuaj rau xyoo no.
- Qhov kawg, saib cov lus koj sau, xyuas kom meej tias koj cov lus thwj tag lawm, thiab nias qhov “Request Ballot.”
- Koj hauj lwm tiav lawm!
- Thiab yog tias koj muaj lus nug los yog muaj teeb meem, thov hu rau peb ntawm Voter Assistance Hotline ntawm 608-336-3232. Peb nyob ntawm no pab!
Yuav sau ntawv mus nug kom xa ib daim ntawv pov npav absentee ballot tuaj li cas:
-
- Yog tias koj muaj ib lub tshuab luam ntawv hauv tsev, muab daim ntawv no luam tawm thiab ua kom tiav ces xa mus rau koj tus municipal clerk. Li no xwb!
- Yog tias koj tsis muaj lub tshuab luam ntawv, hu rau koj tus municipal clerk thiab hais kom xa ib daim ntawv tso npe tuaj rau ntawm koj lub tsev. Ces muab ua kom tiav thiab xa rov qab mus. Nws yooj yim heev!
Yog tias nws yog thawj zaug koj pov npav es muab daim ntawv pov npav absentee ballot ua xa rov qab mus los yog koj tsiv tsev lawm los yog hloov koj lub npe txij thaum koj xa koj daim ID zaum kawg, koj yuav tau muab koj daim ID muaj duab luam ib daim es xa nrog mus. Yog tias koj tsis muaj ib txoj kev yuav luam tau ntawv hauv tsev, hu rau koj lub tsev khaw ntaub ntawv los yog tus municipal clerk seb lawv puas pab tau.
Koj yeej hu tau rau peb tus xov tooj Voter Assistance Hotline ntawm 608-336-3232 yog koj muaj teeb meem! Peb nyob ntawm no pab!
Muab Daim Ntawv Pov Npav Absentee Ballot Ua Kom Tiav & Xa Rov Qab Mus
YUAV MUAB KOJ DAIM NTAWV POV NPAV ABSENTEE BALLOT UA KOM TIAV:
-
- Nrhiav ib tug tim khawv uas yog Pej Xeem As Mes Liv Kas (US citizen) thiab muaj hnub nyug tshaj 18 xyoo—tus neeg no kuj yuav yog ib tug hauv tsev neeg, phooj ywg, tus neeg nyob ze koj, los yog ib tug neeg tsis sib paub li.
- Muab koj daim ntawv pov npav uas tsis tau sau li rau koj tus tim khawv saib. Lawv yuav ntsia koj ua daim ntawv pov npav kom tiav, tab sis tsis pom tias koj pov npav rau leej twg.
- Thaum koj ua tiav tag lawm, muab daim ntawv pov npav quav & muab ntsaws rau lub hnab ntawv ua xa nrog daim ntawv pov npav tuaj thiab muab lo.
- Sau kom tag cov lus rau lub hnab ntawv thiab xyuas kom meej tias tag nrho cov lus yog lawm. Kos koj lub npe rau txoj kab nyob saum toj lo lus “Signature of Voter.”
Ces, muab lub hnab ntawv rau koj tus tim khawv thiab xyuas kom meej tias lawv sau rau ntu “Certification of Witness” kom tiav. Lawv yuav tsum tau sau kom tag lawv qhov chaw nyob, xws li chaw nyob thiab txoj kev, lub zos, lub xeev, thiab tus zip code. Lawv yuav tau sau lawv lub npe nyob saum toj kab ntawv “Witness Printed Name” thiab kos npe rau txoj kab nyob saum toj kab ntawv “Witness Signature.”
TSEEM CEEB: Ua tib zoo saib koj lub hnab ntawv ua ntej koj muab xa tawm los yog coj mus ntsaws rau hauv lub dropbox! Yog tias koj lub hnab ntawv tsis muaj koj tus tes kos npe, koj tus tim khawv tsis kos npe, koj tus tim khawv tsis sau npe rau, thiab koj tus tim khawv tsis sau nws qhov chaw nyob kom tag nrho rau, tej zaum yuav tsis muab los suav!
XA KOJ DAIM NTAWV POV NPAV ABSENTEE BALLOT ROV QAB MUS:
KHO DUA TSHIAB: Lub 7 Hli tim 5, 2024, lub tsev hais plaub loj Wisconsin Supreme Court txiav txim tias rov qab muaj cai siv cov dropboxes lawm. Qhov no txhais tau tias tej zaum cov Municipal Clerks yuav muaj ib cov dropboxes rau cov neeg pov npav coj lawv cov ntawv pov npav coj mus ntsaws rau, tab sis tsis hais kom lawv yuav tsum tau ua. Xav paub seb koj lub zej zog puas muaj cov dropboxes, hu rau koj tus Municipal Clerk.
- Muab koj daim ntawv pov npav absentee ballot xa rov qab kom sai thaum koj ua tag lawm! Lawv yuav tsum tau txais daim ntawv pov npav rau thaum 8pm rau hnub Xaiv Tsa mas thiaj li coj los suav tau.
- Muab koj daim ntawv pov npav ntim rau lub hnab ntawv xa nrog tuaj es muab xa rov qab yog ib qho yooj yim, tsis nyuaj, thiab nyab xeeb uas yog ib txoj kev koj pov npav!
- Lub Tsev Xa Ntawv (US Postal Service) hais tias koj yuav tsum xa daim ntawv pov npav tawm mus tsawg kawg 1 lub lim piam ua ntej Hnub Xaiv Tsa es thiaj muaj sij hawm txau xa daim ntawv tawm. Tab sis npaj xa li 10 hnub ua ntej hnub xaiv tsa kom paub tseeb tias daim ntawv pov npav mus txog thiab muab suav tau nrog!
- Tam sim no koj yeej coj tau daim ntawv pov npav mus ntsaws tau rau hauv ib lub dropbox, yog tias koj lub zej zog muaj ib cov dropboxes rau siv. Xav paub seb koj lub zej zog puas muaj cov dropboxes, hu rau koj tus Municipal Clerk.
- Muab koj daim ntawv pov npav ntim rau lub hnab ntawv xa nrog tuaj es muab xa rov qab yog ib qho yooj yim, tsis nyuaj, thiab nyab xeeb uas yog ib txoj kev koj pov npav!
-
- Yog tias koj yuav xa koj daim ntawv pov npav mus tim ntej tim muag, koj tus kheej yuav tsum yog tus xa (tshwj xeeb koj xiam hoob qhab thiab xav tau kev pab mas lwm tus thiaj xa tau).
- Koj yeej xa tau daim ntawv pov npav rov qab mus rau ntawm tus Clerk Lub Chaw Ua Hauj Lwm, nyob rau ntawm ib lub dropbox uas tsuas yog pub ntsaws cov ntawv pov npav xwb, nyob rau ntawm ib qhov chaw pov npav ntxov, los yog, nyob rau ntau lub zej zog, nyob rau Hnub Xaiv Tsa ntawm qhov chaw koj pov npav.
- Yog tias koj xiam hoob qhab thiab xav tau kev pab muab koj daim ntawv pov npav absentee ballot xa tawm los yog xa rov qab, koj yeej hais tau kom ib tug neeg pab koj!
- Koj yeej hais tau kom ib tug neeg twg pab muab koj daim ntawm pov npav xa tawm los yog xa rov qab tsuas yog tsis pub koj qhov chaw ua hauj lwm los yog ib tug neeg sawv cev rau pab union xa xwb. Leej twg los tau – phooj ywg, tsev neeg, tus neeg nyob ze koj, leej twg los tau! – uas yuav pab tau koj.
- Tus clerk yuav tsum tsis txhob nug seb koj puasyog ib tug neeg xiam hoob qhab los yog sau tseg rau ib qhov twg tias koj xiam hoob qhab. Lawv yuav nug tus neeg pab koj tias daim ntawv pov npav no yog leej twg li thiab xyuas tias tus neeg ntawd kom txhob yog koj qhov chaw ua hauj lwm thiab ib tug neeg sawv cev rau pab union.
- Kho Dua Tshiab: Rov qab muaj cai siv cov dropboxes rau daim ntawv pov npav absentee ballot hauv Wisconsin dua lawm.
- Lub tsev hais plaub loj Wisconsin Supreme Court txiav txim nyob rau lub 7 Hli tim 5, 2024, tias tej zaum cov clerks yuav muaj cov dropboxes rau cov neeg pov npav coj lawv cov ntawv pov npav absentee ballot coj mus ntsaw rau, tab sis tsis hais kom lawv yuav tsum tau ua. Xav paub seb koj lub zej zog puas muaj cov dropboxes, hu rau koj tus Municipal Clerk.
Nyob Rau Hnub Xaiv Tsa, cov chaw pov pov qhib thaum 7am txog 8pm.
- Saib koj qhov chaw pov npav ntawm no!
- TSEEM CEEB: Ntau zaus, ib zaug kev xaiv tsa twg cov chaw pov npav yuav hloov mus rau ib qhov chaw tshiab. Xyuas kom paub tseeb tias koj yuav mus pov npav nyob rau qhov twg, rau qhov tias tej zaum yuav yog qhov chaw txawv zaum tag los no!
- Koj yuav tau muab daim ID muaj duab uas siv tau rau lawv saib thiaj pov npav tau. Hla mus rau ntu hauv qab kom paub seb daim ID twg yuav nqa thaum koj mus pov npav.
- Yog tias koj tseem nyob ntawm txoj kab thaum lub chaw pov npav kaw, nyob twj ywm ntawm txoj kab. Thaum txog 8 pm es lub chaw pov npav kaw lawm, txhua tus neeg nyob ntawm txoj kab yuav muaj sij hawm pov npav tau.
- Hu rau peb tus Voter Assistance Hotline ntawm 608-336-3232 yog tias koj muaj lus nug los yog muaj teeb meem txog kev pov npav nyob rau hnub Xaiv Tsa. Peb nyob ntawm no pab!
Curbside Voting (nyob hauv tsheb pov npav)
Yog ias koj muaj hnub nyug, mus tsis tau kev los yog sawv tsis tau ntawm txoj kab, lub cev tsis muaj zog tiv thaiv kab mob, ntshai tsam kis kab mob Covid-19, los yog nkag tsis tau mus rau hauv qhov chaw pov npav, koj muaj cai pov npav tau nyob rau ntawm ntug kev nyob rau hnub Xaiv Tsa uas tsis tas mus pov npav nyob sab hauv tsev.
Pov npav nyob ntawm ntug kev:
- Ua zoo xyuas kom npaj tau koj daim ID muaj duab.
- Nyob hauv koj lub tsheb, hu rau cov neeg ua hauj lwm. Yuav tsum muaj ib daim paib nrog rau ib tug nab npawb uas hu tau los yog muaj lub tswb nyem. Yog tias koj muaj teeb meem, hais kom ib tug neeg pab koj nrhiav tus nab npawb los yog nyem lub tswb los yog hais rau ib tug neeg ua hauj lwm pov npav paub.
- Ob tus neeg ua hauj lwm pov npa yuav tuaj rau ntawm koj lub tsheb thiab pab koj pov npav uas tsis tas mus rau hauv tsev.
- Yog tias tsis muaj ib daim paib li los yog lub tswb tsis ua hauj lwm los yog muaj lwm yam teeb meem, thov ceeb toom qhov teeb meem no rau peb tus Voter Assistance Hotline ntawm 608-336-3232. Peb pab neeg ua hauj lwm yuav ua hauj lwm nrog koj los daws qhov teeb meem.
Cov neeg pov npav hauv Wisconsin yuav tsum muab ib daim ID muaj duab uas siv tau rau saib thaum mus pov npav tim ntsej tim muag los yog nug mus kom xa ib daim ntawv pov npav absentee ballot tuaj. (Nws kuj muaj tej yam uas yuav siv tau thiab.) Tej zaum koj twb muaj ib daim ID muaj duab uas siv tau lawm! Koj daim ID muaj duab tsis tas muaj koj qhov chaw nyob tam sim no.
Cov ID no yeej siv tau txawm tias tas hnub nyug lawm, tsuas yog kom tas hnub nyug tom qab lub 11 Hli tim 8, 2022, es tsis tas muaj koj qhov chaw nyob tam sim no los tau:
- Daim Ntawv Tsav Tsheb uas yog tau los ntawm Wisconsin DMV (txawm tias koj tsis muaj cai tsav tsheb los yog daim ntawv tsav tsheb raug rho tawm lawm),
- Daim ID uas yog tau los ntawm Wisconsin DMV, thiab
- Daim passport As Mes Liv Kas.
Cov ID no yuav tsum tsis txhob tag sij hawm (tab sis tsis tas muaj koj qhov chaw nyob tam sim no los tau):
- Daim ID Qub Tus Rog muaj duab uas tau los ntawm U.S. Department of Veterans Affairs,
- Daim ntawv Pej Xeem As Mes Liv Kas (Certificate of naturalization) tau luv tshaj 2 xyoos ua ntej hnub hnub xaiv tsa uas koj yuav pov npav,
- Daim receipt rau daim Ntawv Tsav Tsheb los yog rau daim ID card uas tau los ntawm Wisconsin DMV (kav mus 45 hnub), thiab
- Daim Wisconsin DMV ID petition process photo receipt (kav mus 60 hnub).
Cov ID no txawm tas sij hawm thaum twg lawm los tsis ua cas (txawm tias tas ua ntej lub 11 Hlis tim 8, 2022 lawm los tsis ua cas):
- Daim tribal ID card rau cov neeg Qhab uas yog ib pawg neeg tsoom fwv lees paub nyob hauv Wisconsin, thiab
- Daim student ID card tau los ntawm ib lub tsev kawm ntawv university los yog college uas Wisconsin lees paub, yog tias muaj ib daim ntawv pov thawj hais tias tam sim no tseem kawm ntawv tom ua ke nrog.
LUS TSEEM CEEB HAIS TXOG COV STUDENT IDS:
Tsuas yog daim student ID card ntawm ib lub tsev kawm ntawv university, college, los yog technical colleg uas Wisconsin lees paub thiab muaj:
- Koj lus npe, lub xeem,
- Koj daim duab,
- Koj kos npe rau,
- Hnub ua daim card, thiab
- Hnub tas sij hawm qhia tau tias daim card tsis tas sij hawm ua ntej 2 xyoos tom qab ua daim card.
- Yog tias koj daim card tas sij hawm, koj yuav tsum tau muaj pov thawj qhia txog kev txais kawm ntawv (xw li, daim ntawv sau qhia txog txais kawm ntawv, daim receipt nqi kawm ntawv, los yog daim ntawv teev txog cov hoob kawm ntawv).
Yog tias koj muaj teeb meem txog mus muab ib daim ID muaj duab tom koj lub college los yog university, hu rau Voter Assistance Hotline ntawm 608-336-3232, es peb mam li pab koj kom tau ib daim! Peb nyob ntawm no pab!
Yog li koj muaj lus nug lod. Peb mam teb!
Hauv qab no yog ib cov lus nug peb hnov ntau heev. Kev pov npav tej zaum yuav ua rau kom muaj lus nug, tab sis muab saib tag nrho mas, nws yog ib qho yooj yim, muaj kev nyab xeeb, thiab tsis nyuaj. Yog tias koj xav paub ntau ntxiv los yog xav tham txog koj cov lus nug, koj yeej hu tau rau Voter Assistance Hotline ntawm 608-336-3232. Peb nyob ntawm no pab!
Kuv puas zwm tau npe nyob rau Hnub Xaiv Tsa?
- Koj yeej zwm tau! Nco qab ntsoov nqa koj daim Ntawv Pov Thawj Rau Koj Qhov Chaw Nyob thiab daim ID Muaj Duab.
Kuv qhov chaw pov npav nyob qhov twg?
- Saib koj qhov chaw pov npav rau Hnub Xaiv Tsa – thiab hnub pov npav rau qhov kev xaiv tsa zaum tom ntej yog thaum twg – ntawm no kiag!
Kuv yuav nrhiav tau qhov chaw pov npav ntxov nyob hauv kuv lub zej zog qhov twg?
- Peb muaj daim ntawv qhia tau zoo heev ntawm vote.wisdems.org/ev!
- Nias mus kom txog daim map hauv Wisconsin, nias koj lub county, ces nias koj lub zos. Muaj ib daim ntawv teev cov chaw pov npav ntxov yuav tshwm tuaj! Koj yeej mus pov npav tau nyob rau ntawm cov chaw pov npav ntxov hauv koj lub zej zog lub twg los tau.
- Peb muaj ib pab neeg ua hauj lwm dawb uas teev cov ntaub ntawv nyob rau lub sij hawm ua ntej yuav txog hnub xaiv tsa, yog tias cov ntaub ntawv koj xav tau tseem tsis tau muaj nyob rau hauv, rov qab mus saib dua kom ze me ntsis rau hnub xaiv tsa yuav tuaj tom ntej no!
- Los yog hu peb ntawm 608-336-3232 es peb mam li nrhiav kom tau!
Kuv puas yuav tsum muaj ntawv pov thawj rau kuv qhov chaw nyob txhua zaus kuv pov npav?
- Tsis tas muaj! Koj tsuas muab daim ntawv pov thawj rau qhov chaw nyob qhia thaum koj zwm npe thawj zaug, los yog tsiv tsev lawm es xav rov qab zwm npe rau qhov chaw nyob tshiab.
- Tab sis koj yuav tau muab daim ID muaj duab qhia rau lawv txhua zaus koj pov npav.
Kuv puas pov tau npav yog tias kuv twb nug kom xa ib daim ntawv pov npav absentee ballot tuaj lawm?
- Tau, ntshe koj twb xa daim ntawv pov npav rov qab lawm mas thiaj tsis tau.
- Txhais tau tias yog koj twb muab koj daim ntawv pov npav absentee ballot uas tiav thiab xa rov qab lawm, muab ntsaws ib lub dropbox, los yog xa rov qab mus rau ntawm tus clerk lub chaw ua hauj lwm lwm, ces koj yuav pov npav tim ntsej tim muag tsis tau. Qhov no ces yog pov npav 2 zaug.
- Yog tias koj tau txais daim ntawv pov npav xa tuaj rau koj tab sis tseem tsis tau xa rov qab, koj yuav pov npav tim ntsej tim muag tau! Qhov zoo tshaj ces nqa koj daim ntawv pov npav uas tseem tsis tau ua tiav nrog koj thiab kom tus clerk muab nws dua pov tseg kom paub tseeb tias koj tsis pov npav 2 zaug.
Tam sim no kuv tsis nyob rau ntawm qhov chaw nyob uas kuv zwm npe pov npav, es kuv hais kom muab cov ntaub ntawv xa mus rau qhov chaw nyob tshiab. Kuv daim ntawv pov npav absentee ballot puas yuav raug xa nrog kuv cov ntawv mus rau qhov chaw nyob tshiab?
- Tsis xa! Koj yuav tsum tau hais kom meej tias muab koj daim ntawv pov npav xa mus rau qhov chaw nyob uas koj xav kom xa mus rau.
- Qhov no yuav ua rau kom koj tsis txhob raug teeb meem. Ib qho ua rau kom muaj kev ruaj ntseg, yuav tsis xa cov ntawv pov npav nrog lwm cov ntawv mus rau qhov chaw tshiab.
- Yog tias koj txhawj xeeb nyob tsam koj daim ntawv pov npav mus tsis txog koj qhov chaw nyob, hu los yog sau ntawv rau koj tus municipal clerk es qhia qhov chaw nyob koj xav kom xa daim ntawv pov npav mus rau. Yooj yim heev!
Kuv daim ntawv tsav tsheb muaj kuv qhov chaw nyob qub—kuv puas yuav siv tau ua daim ID muaj duab mus pov npav?
- Tau! Yog tias koj twb zwm npe rau koj qhov chaw nyob tam sim no lawm, koj yeej siv tau koj daim ntawv tsav tsheb uas muaj koj qhov chaw nyob ua daim ID muaj duab.
- Tab sis, yog tias koj tsis tau zwm npe rau koj qhov chaw nyob tam sim no, koj yuav tau rov qab zwm npe dua rau qhov chaw nyob koj nyob tam sim no. Rov qab zwm npe dua, koj yuav tau muaj ntawv pov thawj rau koj qhov chaw nyob tam sim no (yog li ntawd koj daim ntawv tsav tsheb muaj qhov chaw nyob qub yuav siv tsis tau los ua pov thawj rau qhov chaw nyob, tab sis lwm yam uas muaj koj lub npe thiab lub xeem thiab qhov chaw nyob tam sim no tau).
Kuv xav siv daim ntawv pov npav absentee ballot pov npav rau xyoo 2024. Thaum twg kuv mam li nug tau kom xa kuv daim ntawv pov npav absentee ballot tuaj?
- Tam sim no! Mus rau ntawm request absentee ballots rau ib qho kev xaiv tsa twg los tau nyob rau xyoo no!
Kuv yog ib tug me nyuam kawm ntawv hauv Wisconsin es kuv xav pov npav ntawm no, tsis xav mus pov npav nyob ntawm kuv niam thiab kuv txiv lawv lub tsev uas nyob rau lwm lub xeev. Kuv puas ua tau li ntawd?
- Tau! Yog tias koj nyob hauv Wisconsin ntev tshaj 28 hnub ua ntej hnub xaiv tsa, koj yeej zwm tau npe thiab pov npav tau ntawm no—thiab nws yog ib qho zoo uas koj yuav hais tau tej yam hais txog cov cai uas muaj kev cuam tshuam rau koj txoj kev kawm ntawv nyob hauv Wisconsin!
- Nco ntsoov, yeej paub tseeb tias, koj yuav pov npav tsis tau nyob rau 2 qhov chaw.
- Mus saib rau ntu Muab Pov Thawj Rau Chaw Nyob thiab daim ID Muaj Duab es saib seb koj yuav siv dab tsi los ua pov thawj rau qhov chaw nyob thiab daim ID muaj duab.
- Yog tias koj muaj lus nug, hu rau tus xov tooj hotline ntawm 608-336-3232. Peb nyob ntawm no pab!
Kuv puas yuav txib tau kuv tus poj niam/txiv/tus khub nrog kuv nyob/tus phooj ywg/ tus me nyuam nqa kuv daim ntawv pov npav ua tiav tag lawm mus rau ntawm kuv tus municipal clerk lub chaw ua hauj lwm?
- Tej zaum tsis tau. Koj tsuas hais tau lwm tus neeg nqa koj daim ntawv pov npav mus yog tias koj xav tau kev pab vim koj xiam hoob qhab.
- Yog tias koj tsis xiam hoob qhab, hais kom lwm tus neeg xa kom daim ntawv pov npav rov qab mus txhaum cai. Ntse koj yeej xiam hoob qhab lawm tiag thiab xav tau kev pab, koj tus kheej yuav tsum xa koj daim ntawv pov npav rov qab you mus.
Qhov no txhais li cas, thaum twg kuv mam li nug mus koj xa daim ntawv pov npav absentee ballot tuaj thiab mam xa rov qab mus?
- Nws txhais tau tias sai li sai tai! Ntawm no kiag, tam sim no!
- Nws yuav siv sij hawm ntej daim ntawv pov npav mam tuaj txog koj thiab mam rov qab mus txog tus clerk es thiaj muab suav tau. Muab sij hawm kom ntau rau koj los mus nug kom xa koj daim ntawv pov npav tuaj thiab xa rov qab mus kom sai li sai tau.
Kuv puas tseem muab kuv daim ntawv pov npav ntsaws rau lub dropbox uas kuv lub zej zog muaj?
- Tau! Nyob rau lub 7 Hli tim 5, 2024, lub tsev hais plaub loj Wisconsin Supreme Court tau txiav txim tias pub muaj cov dropboxes raws li txoj cai hauv lub xeev. Qhov no txhai tau tias tej zaum cov Municipal Clerks yuav muaj ib cov dropboxes rau cov neeg pov npav coj cov ntawv pov npav mus ntsaws rau, tab sis tsis hais kom ua. Xav paub seb koj lub zej zog puas muaj cov dropboxes, hu rau koj tus Municipal Clerk.
Kuv tus clerk siv lub mailbox uas ntsia rau lub tsev city hall rau cov neeg pov npav xa cov ntawv pov npav absentee ballots mus ntaws rau. Kuv puas tseem ntsaws tau kuv daim ntawv pov npav rau ntawd?
- Koj kev pov npav tseem ceeb, yog li ntawd koj yuav tsum hu rau koj tus Municipal Clerk ua ntej kom paub tseeb. Es yog tias koj tus clerk yeej siv lub mailbox los ua lub dropbox rau qhov kev xais tsa zaum no, ces tau, koj yeej ntsaws daim ntawv pov npav tau rau ntawd! Ua kom muaj kev nyab xeeb tshaj ntxiv: koj tus kheej nqa daim ntawv pov npav mus rau ntawm tus clerk lub chaw ua hauj lwm, ntsaws rau lub dropbox uas yeej yog cia rau cov ntawv pov npav, los yog muab xa rov qab rau hauv lub hnab ntawv ua xa nrog tuaj.
Muab daim ntawv pov npav absentee balIot ua xa mus puas muaj kev nyab xeeb thiab puas muaj kev nruaj ntseg?
- Muaj los mas! Muab daim ntawv pov npav absentee ballot ua xa mus muaj kev nyab xeeb, muaj kev ruaj ntseg, thiab yooj yim – thiab muaj laab tus neeg hauv Wisconsin ua li ntawd txhua zaus muaj kev xaiv tsa.
- Koj npaj sij hawm kom txaus rau koj tus kheej. Nug mus kom xa koj daim ntawv pov npav tuaj kom sai li sai tau thiab muab xa rov qab kom sai li sai tau thaum koj ua tiav tag. Yuav suav tau koj lub suab pov npav, koj tus clerk yuav tsum txais tau koj daim ntawv pov npav tsis txhob lig tshaj 8pm nyob rau hnub Xais Tsa.
Yog kuv hais tias kuv tus kheej tawm tsis tau mus rau qhov twg li (indefinitely confined) ua li ntawd, kuv puas tau daim ntawv pov npav absentee ballot xa tuaj rau kuv txhua zaus muaj kev xaiv tsa?
- Txoj cai rau kev pov npav absentee zoo tib yam nkaus rau txhua tus neeg!
- Txhais tau tias xa koj daim ntawv pov npav rov qab mus kom sai li sai tau. Yog tias koj xiam hoob qhab es xav tau kev pab, koj yeej muaj cai tau txais kev pab koj los ntawm ib tug neeg, txhwj xeeb kom tsis txhob yog koj lub chaw ua hauj lwm los yog ib tug neeg sawv cev rau pab union.
Yog tias kuv xiam hoob qhab es xav tau kev pab, kuv puas yuav tsum tau xa ntaub ntawv muaj mob mus qhia es thiaj tau kev pab?
- Tsis tau. Koj tus clerk yuav tsum tsis txhob nug koj los yog tus neeg pab koj kom muaj pov ntawv qhia tias koj yeej xiam hoob qhab los cog lus tias koj xiam hoob qhab.
- Yog tias koj tus clerk hais kom koj muab ib yam ntaub ntawv twg, hu rau WisDems Voter Assistance Hotline ntawm 608-336-3232 es peb yuav ua hauj lwm nrog koj los daws qhov teeb meem.
Yog tias kuv xiam hoob qhab thiab xav tau kev pab, tus neeg pab kuv puas yuav tsum muaj pov thawj qhia txog nws tus kheej los yog kos npe rau ib qho twg yog tias lawv xa kuv daim ntawv pov npav rov qa mus rau tus clerk lub chaw ua hauj lwm?
- Tsis tau. Koj tus clerk yuav tsum tsis hais kom tus neeg pab koj kos npe rau ib yam dab tsi, sau lawv lub npe los yog chaw nyob, los yog muab daim ID qhia rau.
- Qhov ntau tshaj plaws, tej zaum koj tus clerk tsuas nug tus neeg pab koj 2 lo lus: (1) seb puas yog lawv xa daim ntawv pov npav ntawm ib tug neeg pov npav rov qab tuaj uas yog tus neeg pov npav hais kom lawv pab rau qhov nws xiam hoob qhab, thiab (2) seb lawv puas yog koj lub chaw ua hauj lwm los yog ib tug neeg sawv cev rau koj pab union. Yog tias tus neeg pab koj teb “yes” rau thawj lo es “no” rau lo thib 2, lawv yuav txais koj daim ntawv pov npav.
Zoo li cas thiaj lis hais tau tias ‘xiam hoob qhab?
- Koj yog tus txiav txim.
- Txoj cai Americans with Disabilities Act qhia tias kev xiam hoob qhab muaj raws li no “muaj qhov tsis zoo rau lub nrog cev los yog lub hlwb uas ua tsis tau 1 los yog ntau txoj hauj lwm nyav hauv lub neej, xws li tus tsis tau tus kheej, mus tsis tau kev, sawv tsis tau, tsis pom kev, tsis hnov lus.
- Nws nyob ntawm tus neeg ntawd xwb seb yuav txiav txim siab seb koj puas muaj mob raws li hais ntawd. Nco ntsoov, cov clerks yuav tsum tsis nug koj los yog tus neeg pab koj kom muaj ntaub ntawv pov thawj hais tias yeej xiam hoob qhab tiag.
Yog tias muaj coob tus neeg hauv kuv tsev neeg xiam hoob qhab es xav tau kev pab xa peb cov ntawv pov npav rov qab mus, peb puas siv tau ib tug neeg los pab peb?
- Tau! Ib tug neeg yeej pab tau ntau tus neeg pov npav, tsuas yog kom tus neeg pab ntawd tsis txhob yog tus neeg pov npav lub chaw ua hauj lwm los yog ib tug neeg sawv cev rau pab union.
